የናይጄሪያ ምርጫ ተራዘመ

0
487

የናይጄሪያ ምርጫ ወደሚቀጥለው ሳምንት ተሸጋግሯል።

የናይጄሪያ ምርጫ ስልጣንን ያለአግባብ መጠቀም እና ማጭበርበር ሊያንዣብብበት ይችላል የሚሉ ጥርጣሬዎች በርካቶች ናቸው፡፡ ሆኖም ፕሬዝዳንት ሙሃመዱ ቡሃሪ መንግስታቸው ነፃ፣ ፍትሃዊና ሰላማዊ ምርጫ እንደሚያደርግ አረጋግጥላችኋለሁ ሲሉ በድጋሚ ተናግረዋል፡፡

የመሪው ቡሃሪ ኦል ፕሮግረሲቭስ ኮንግረስ ፓርቲና ተፎካካሪው የህዝብ ዲሞክራሲያዊ ፓርቲ ምርጫውን ለመቆጣጠር እየተሴረ ነው በሚል እርስ በርሳቸው ይወነጃጀላሉ፡፡

የሀገሪቱ ፕሬዝዳንታዊና ፓርላመንታዊ ምርጫ በአንድ ሳምንት መዘግየቱን ያስታወቀው ገለልተኛው ብሔራዊ የምርጫ ኮሚሽን ነው፡፡

በታቀደው መሰረት በምርጫው ሂደት መቀጠል ሊሳካ የሚችል አይደለም ያሉት የምርጫ ኮሚሽኑ ሊቀ መንበር ማህሙድ ያኩቡ የምርጫ ጣቢያዎች ሊከፈቱ አምስት ሰአታት ሲቀሩት መራዘሙን አሳውቀዋል፡፡

ነፃና ፍትሃዊ ምርጫን ለማረጋገጥ አስቸጋሪ ውሳኔ ያስፈልጋል ሲሉም ገልፀዋል፡፡ 
(አብመድ)