Arsenal sign Pierre-Emerick Aubameyang for club record £56m

0
1888

ለአውሮፓ ክለቦች የተከፈተው የዝውውር መስኮት ዛሬ ይጠናቀቃል። ይህን ተከትሎም በርካታ ክለቦች በመጨረሻው ሰዓት የፈለጓቸውን ተጫዋቾች እያዘዋወሩ ነው። ለሳምንታት ስሙ ከእንግሊዙ አርሰናል ጋር ሲነሳ የቆየው ጋቦናዊ ፒየር ኤሚሪክ ኦባሚያንግ በመጨረሻው ሰዓት ኢሚሬትስ ደርሷል። ተጫዋቹ በዛሬው እለት ክለቡን በይፋ የተቀላቀ ለ ሲሆን፥ 56 ሚሊየን ፓውንድ ተከፍሎበታል። የ28 አመቱ አጥቂ በሳምንት 180 ሺህ ፓውንድ የሚከፈለው ይሆናል። የእርሱን ወደ አርሰናል መግባት ተከትሎም አጥቂው ኦሊቪዬ ዢሩድ ወደ ስታምፎርድ ብሪጅ የሚያደርገውን ዝውውር እየጨረሰ ነው። ሁለቱ የለንደን ክለቦች ለተጫዋቹ በ18 ሚሊየን ፓውንድ የዝውውር ሂሳብ መስማማታቸውም እየተነገረ ነው። ቼልሲ ከዢሩድ ባለፈ የሮማውን ተከላካይ ኤመርሰን ፓልሚየሪን አስፈርሟል። ጀርመናዊ የአርሰናል ተጫዋች ሜሱት ኦዚልም በኢሚሬትስ ለሶስት አመት ተኩል ለመቆየት ተስማምቷል። ተጫዋቹ በሳምንት ከ300 ሺህ ፓውንድ በላይ እየተከፈለው ነው በክለቡ ለመቆየት የተስማማው። ከኦባሚያንግ ዝውውር ጋር ተቆራኝቶ የነበረው የቼልሲው አጥቂ ሚኪ ባትሹዋይም ወደ ጀርመን በማምራት ዶርትመንድን ተቀላቅሏል። በሌላ በኩል ሌላው የለንደን ክለብ ቶተንሃም ሉካስ ሞራን ከፒ ኤስ ጂ ለማዘዋወር ያደረገው ጥረት ስለመጠናቀቁም የተለያዩ ምንጮች እየገለጹ ነው። ተጫዋቹም በ25 ሚሊየን ፓውንድ ለንደን መድረሱም ተነግሯል። ተከላካዮችን በውድ ሂሳብ እያዘዋወረ ያለው ማንቼስተር ሲቲ በበኩሉ ለአልጀሪያዊው ሪያድ ማህሬዝ የዝውውር ጥያቄ አቅርቧል ተብሏል።ክለቡ ያቀረበው 55 ሚሊየን ፓውንድ ግን በሌሲስተር ሲቲ ውድቅ ተደርጓል ነው የተባለው፤ ከእንግሊዝ የሚወጡ ዘገባዎች ቀበሮዎቹ ወደ 100 ሚሊየን ፓውንድ የሚጠጋ ሂሳብ ለዝውውሩ ይፈልጋሉ።

ኒውካስትል ዩናይትድ ደግሞ የተጎዳውን የሌሲስተር ሲቲ አጥቂ ኢስላም ስሌማኒን በውሰት ጠይቋል። ኤቨርተን በበኩሉ የማንቼስተር ሲቲውን ተከላካይ ኤሊያኪም ማንጋላን ለቀሪ ግማሽ የውድድር አመት የውሰት ጥያቄ አቅርቧል። ማታ በበኩሉ በማንቼስተር ዩናይትድ ያለውን ኮንትራት ለአንድ አመት አራዝሟል።

Source: Fanabc.com