Ethiopia: Save Tana | Message for Mohammed Hussein Al Amoudi

0
1268

By: Alemneh Wasse News

እንደኔ-እንደኔ-አልሰሙም!ምናልባትም አይሰሙና አንድም ነገር አያደርጉ ዘንድ የሚፈልጉ እኩያን ይኖራሉ።እንጂ ይህ ለሰውየው ዕድልና አጋጣሚ ነው።ከሚገባው በላይ በኢትዮጵያ ህዝብ ዘንድ በታሪክ የሚያሰርፃቸው ዕውነተኛ አርበኝነት።

ጤና ይስጥልኝ ሼክ መሀመድ አላሙዲን፤ጣና ቢያንስ የ3ሚ የጎንደርና የጉጃም ህዝብ መጋቢ ሀይቅ አይናችን እያየ እንቦጭ በተባለ አረም የሰራ አካላቱ እየተዋጠና ወደጨፌ እየተለወጠ ነው።የሀገሬው አርሶ አደርና ወጣቱ እባብ ጊንጥ ሳይፈራ በራቁት ገላው እስካንገተ እየተነከረ ታገለው።ገና ህፃናት ልጆቹንም ጭምር ይዞ ገብቶ እስኪሞት ድረስ ይፋለማል እንጂ በህይወቱ ቆሞ ጣና ሲሞት ዝም ብሎ አያይም። ግን በጣቱ ቧጦ የሚቊቊመው አልሆነም።አረሙ እስካሁን 25ሺ ሄክታር የውሀውን ገፅ ሸፍኗል።በእስከዛሬው ህዝባዊ አረም ነቀላ ምን ያህል ሄክታር እንደፀዳ በርግጠኛነት መናገር አይቻልም።ዘመናዊ አረም ማጨጂያ ማሽንያስፈልገዋ8ል።

አንድ ሁለት ዘመናዊ የማጨጃ ማሺን በግዢም ሆነ በኪራይ ከአቅራቢያው ሀገሮች አስፈልገው በፍጥነት በማስገባት በዚህ አረም ላይ አስነዱበት!ኢትዮጵያን ያግዟት!ስለሚወዷት!”ኢትዮጵያን በተመለከተ ‘በልቤ ነው የማስበው’ስላሉላት።” በርግጥ ይገባናል።ይህ ጉዳይ በግል የእርሶ የግልዎ ሆኖ ባልተገፋ ነበር። የክልሉ መሪ ነኝ የሚለው ብአዴን ራሱን ጣናው ውስጥ አስጥሞ በሞተ ይሻለው ነበር።ድፍን አገር 24ሰዓት አፍጦ በሚያየው በዚህ የጣና ህልውና ጉዳይ እዚህም እዚያም ብሎ 1እና 2 የአረም ማጨጂያ ማሽን ማስገባት ተስኖት፣ትንሽ እንኲ በሀፍረት የሚነካ ክብር አጥቶ ሐይቁ ወደ ጨፌ ሲቀየር እያየ የሰጡትን የእንቅልፍ ክኒን እየዋጠ ያንጎላጃል። ሀገሬው አፉን በነጠላው ሸፍኖ “የት ሄደ መሪ ድርጅታችን?”እያለ መዘባበቻ እንዳደረገው አልጠረጠረም።መሆኑን ይህ እነበላይ ዘለቀን እወክላለሁ፤ከነመይሳው ካሳ እወለዳለሁ፤ተራራ አንቀጥቅጫለሁ የሚል ፓርቲ እዚህ አረም ፊት ምነው ልምሻ ያዘው ታዲያ?የቱጋ ነው ያርበኝነት ስሜቱ?ይሄ ነገር የሀገር ጉዳይ መሆኑን—ለዚህ የሚያስፈልገውን የማጨጂያ ማሺን አልገዛም ማለት በጦርነት ጊዜ ለታንክ የሚሆን በጀት የለንም ከማለት የማይተናነስ መሆኑን –ለጠ/ሚ ኅማደ ማሳመን ተስኖት ነው?ሀብታሞችንስ እራት ጋብዞ ከጉድ አውጡን ማለት ጠፍቶት ነው ወይስ የአማራ ህዝብ ግብር አይከፍልም?ብአዴን!አረ ንቃ ወንድም ዓለም! ጣና litmus paper ነው!

ሼክ መሀመድ እባክዎ በዚያም በዚያ ብለው ጣናን ያግዙ?እባክዎ ጥቁር መስታውት የመሰለውን የጣና ገፅ እንደደነበር ይመልሱልን?አገሬው በጉልበቱ የጎንደርና የባህር ዳር ዩኒቨርስቲዎች በዕውቀታቸው የበኩላቸውን ይርዱ።እርሶ ግን ብዙ ሳይርቅ ከቱርክ በአውሮፕላን ያስገቡልን።ባይሆን ብአዴን ቀረጥ እንንዳይከፍሉ ይረዳዎት ይሆናል።(ጠ/ሚ/ኅማደ/ን ማሳመን ከቻለ)።በተረፈ በጎ ስራዎን አገር አይረሳም።ከጣና ፍሰት ጋር ለዘላለም የሚኖር ቅኔ ይቀኝልዎታል።

ጣናን አልን’ጂ እምቧጮ የለበሰው
ለካስ ብአዴን ነው በአረም የተዋጠው
ይህ መሆኑን ቢሰማ ሀብታሙ ሰውዬ 
ሼክ መሀመድ ሁሴን የኮራ ወሎዬ
ገዝቶ ቢያስነዳበት ማጨጂያ ማሽን 
እንቦጩም ነቦጨ ጣናም ዳነልን! እባክዎ ይፍጠኑ ሼክ መሀመድ!?