RIP “Former Ethiopian National Team Athlete Fisseha Abebe passed away ”

0
783

“Former Ethiopian National Team Athlete Fisseha Abebe RIP”

በትላንትናው እለት በድንገት ከዚህ ዓለም በሞት የተለየን ወንድማችን ፍስሀ አበበን ዜና እረፍት ስሰማ እጂግ በጣም ከልብ አዝኛለሁ ከወንድሜ ከፍስሀ አበበ ጋር ለመጀመሪያ ጊዜ በአካል የተዋወኩት በ1972 ዓ/ም አዲስ አበባ ላይ በተደረገው የመላው ኢትዮጵያ ትምህርት ቤቶች የስፖርት ውድድር ፍስሀ የሲዳሞ ክፍለ ሀገር አጠቃላይ 2ኛ ደረጃ ትምህርት ቤቶችን እኔ የተፈሪ መኰንን /እንጦጦ አጠቃላይ 2ኛ ደረጃ ት/ቤት/ የአዲስ አበባ ትምህርት ቤቶችን ወክየ በ800 እና በ1500 ሜትር ሁለታችንም ከተወዳደርንበት ጊዜና ፍስሃ የመላው ኢትዮጵያ ትምህርት ቤቶች አሸናፊ ሆኖ ከቀድሞው የኢትዮጵያ ፕሬዝዳንት ኰረኔል መንግስቱ ኃይለ ማሪያም የዋንጫና የሜዳሊያ ሽልማት ከተሸለመበት ጊዜ ጀምሮ ሲሆን በ1975 ዓ/ም እንግሊዝ አገር ጌትሼድ ከተማ ላይ በተካሄደው 11ኛው የዓለም አገር አቋራጭ ውድድር ፍስሀ የኢትዮጵያ ቡና ገበያ ስፖርት ክለብን፣ አንጋሶ ታልጋ የኢትዮጵያ አየር ኃይልን፣ ጎንፋ ነገሬ የምድር ጦርን፣ ታደሰ አስፋው፣ ዲሶ ዲሳሳ፣ ተረፈ መኰንን /እኔ/ የባህር ኃይልን ወክለን ለመጀመሪያ ጊዜ እምንወዳትን እናት አገራችን ኢትዮጵን ወክለን ተወዳድረን ፍስሀ አበበ በአስደናቂ ብቃትና አጨራረስ 1ኛ ፣ አንጋሶ ታልጋ ፍስሀን በመከተል 2ኛ፣ ጎንፋ ነገሬ 4ኛ፣ እኔ 6ኛ፣ ታደሰ አስፋው 9ኛ፣ ዲሶ ዲሳሳ 15ኛ በመሆን በግልም በቡድንም በማሸነፍ ለእናት አገራችን የወርቅ ሜዳሊያ ባለቤት አድርገን ነበር ፍስሀ አበበ በሌሎችም በርካታ ዓለማቀፍ ውድድሮች አገራችንን ወክሎ ድልን የተቀዳጀ ፀባየ ሸጋ አትሌት ነበር ለበርካታ አመታት በካናዳ ቶሮንቶ ይኖር ነበር የሚያሳዝነው በ1975 ዓ/ም ዓለም ሻምፒዮን ከተወዳደርን የቡድን አባላቶች ታደሰ አስፋው፣ ዲሶ ዲሳሳ፣ ፍስሀ አበበ ከዚህ ዓለም በሞት ሲለዩ ጎንፋ ነገሬ በቀድሞው ስርዓት መጨረሻ ሰዓት ካዴት ኮርስ ገብቶ ኮርሱን ጨርሶ ወደ ግዳጅ ሄዶ እንደነበርና በህይወት ይኑር ይሰዋ አይታወቁም:: 
“የ11ኛው ዓለም ሻምፒዮና አብረን አገራችንን ወክለን ለነበሩት ፍስሀ አበበ፣ ታደሰ አስፋው፣ ዲሶ ዲሳሳ ነፍሳቸውን በገነት ያኑር“ ለመላው ቤተሰብ፣ ጓደኞችና አድናቂዎቹ አምላክ መፅናናትን ይስጥልን

Terefe Mekonnen