ፌስቡክ የተጠቃሚዎቹ ቁጥር 2 ቢሊየን መድረሱን ይፋ አደረገ

0
159

ፌስቡክ አሁን ላይ ከዓለም ህዝብ ሩብ ያህሉ የማህበራዊ ትስስር ገጹ ወርሃዊ ተጠቃሚ መሆኑን ይፋ አድርጓል፡፡

የኩባንያው ዋና ስራ አስፈጻሚና መስራች ማርክ ዙከርበርግ፥ የፌስቡክ ማህበረሰቡ 2 ቢሊየን በይፋ ተናግረዋል፡፡

ይህ ስኬት የተገኘው የማህበራዊ ትስስር ገጹ በማርክ ዙከርበርግ አማካይነት በሃርቫርድ ዩኒቨርሲቲ ከተመሰረተ ከ13 ዓመት በኋላ ነው፡፡

ዙከርበርግ የማህበራዊ ትስስር ገጹን ካስተዋወቀ በኋላ የሃርቫርድ ትምህርቱን አቋርጧል፡፡

ግዙፉ የኢንተርኔት የትስስር መረብ በፈረንጆቹ በ2012 ወርሃዊ የተጠቃሚዎቹ ቁጥር 1 ቢሊየን መደርሱን ገልጾ ነበር፡፡

የደንበኞቹ ቁጥር ከአምስት ዓመት ባልበለጠ ጊዜ ውስጥ አሁን ላይ በእጥፍ ማደጉ ነው የተነገረው፡፡

ዋና ስራ አስፈጻሚው የኩባንያው እድገት ቀጣይነት ያለው እንዲሆን፥ በዓለም ላይ ከማህበራዊ ሚዲያው ጋር ያላስተዋወቁ በርካታ ህዝቦችን ተጠቃ ለማድረግ በትኩረት እንደሚሰራ ተናግረዋል፡፡

ሆኖም ከማህበራዊ ትስስር ገጹ እድገት ጋር ተያይዞ የማህበረሰቡን ስነልቦና የሚጎዱ ይዘቶች እየተበራከቱ መምጣታቸው ለኩባንያው ፈታኝ ስራ መሆኑም ተነግሯል፡፡

ባለፈው ወርም ፌስቡክ የይዘት ፍተሻ ለማድረግ 3 ሺህ ሰራተኞችን እየቀጠረ መሆኑን መናገሩ ይታወቃል፡፡

LEAVE A REPLY

Please enter your comment!
Please enter your name here